Pôa Ali Ijaz Ahmad, Kăn hnê ngăn hlối cho Kăn pơkuâ Makara Capital Partner ăm ‘nâi Makara Capital hiăng hriăn ngăn nhên kơchơ tê mơdró Việt Nam ƀă loi tung mâu tơdroăng pơkâ tơmiât pêi tung la ngiâ, troăng ngăn, tơdroăng púi vâ mơnhông dêi Việt Nam. Mơnhên tối khât tơdroăng ki ‘no liăn cheăng tê mơdró ƀlêi chiâng dêi Makara Capital tung pơla hdrối nah; phiu ro Grup pơkuâ tơmâng ngăn, tăng rôh ki tơ’lêi hlâu vâ ‘no liăn cheăng, tơrŭm tê mơdró a Việt Nam tung la ngiâ.

Pôa Phạm Minh Chính, Ngế pro xiâm hnê ngăn tơnêi têa ăm ‘nâi, mâu kơvâ cheăng ki Grup tơmâng ngăn cho kơmăi kơmok pro pơkeăng – sinh hok ƀă Tíu cheăng liăn ngân kong têa ê cho tơdroăng ki kơjo apoăng dêi Việt Nam vâ mơnhông tiô troăng tơmiât pêi rĕng, ngiât, krá ton.