6 khế apoăng hơnăm kố, ƀă hnoăng cheăng pêi, mơ-eăm khât, tâi tâng mâu lêng rêm hâi hbrâ rơnáu tơplâ, ‘nâi nhên, tơbleăng hdrối tro tơdroăng, teăm tăng ‘nâi  mâu tơdroăng tối ăm Đảng, Tơnêi têa pêi pro rơkê, tơƀrê mâu tơdroăng ki trâm, ôh tá ăm kơdrâ, kring vế krá hnoăng pơkê tơnêi têa, rak tơniăn tung lâp tơnêi têa.

Tơbleăng a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên tung la ngiâ Khu xiâm pơkuâ ngăn lêng kal pêi tro hnoăng cheăng tăng ‘nâi plĕng ăm Đảng, Tơnêi têa ƀă mâu troăng hơlâ tơdroăng vâ pêi ki kal ‘na lêng, ‘nâi nhên , tối tro, tơbleăng tối hdrối tro tơdroăng, hlối teăm tơdrêng ăm ‘nâi tơdroăng tăng ‘nâi plĕng, pêi pro tro rơkê, tơƀrê mâu tơdroăng ki trâm, malối ‘na kring vế hnoăng pơkuâ. 

Pakĭng mê, rĕng tơkŭm tơbleăng mâu tơdroăng tơkêa bro ‘na lêng, kring gak kơkăng kong, tơniăn tâi tâng, tơƀrê ƀă tơtro ƀă hnoăng rak ngăn tơnêi têa.