Ƀă 30 tơdroăng pêi cheăng đi đo, hbo tung 3 hâi dêi roh lăm pôu pêi cheăng, Khu Việt Nam hiăng lôi ăm ƀă veăng kum kal khât tung tơdroăng châ tơƀrê tơdjuôm dêi Hneăng hôp tiah hmâ rêm hơnăm mâu ngế ki djâ troăng ahdrối roh má 16 dêi Hôp tơpui tơno cheăng kâ lâp plâi tơnêi. Tung pơla veăng Hneăng hôp, Ngế pro xiâm hnê ngăn Chin phuh hiăng ai mâu roh tơpui tơno, trâm mâ ƀă hên Ngế kăn, ngế ối a ko Chin phuh, khu râ kăn pơkuâ mâu kong têa xuân môi tiah mâu khu tơrŭm cheăng, khu tê mơdró...

Tơtrŏng má môi, Ngế pro xiâm hnê ngăn tơnêi têa hiăng ai roh tơpui tơno trâu hơhngế ƀă pôa Lý Cường vâ thăm loi tơngah kal kí, po rơdâ tơrŭm cheăng păng ‘nâng ƀă pơkuâ lĕm tro tâ tơdroăng ki ôh tá môi tuăn, djâ tơrŭm cheăng ton xŏn tâi tâng, Pơlê pơla tối tơdroăng la ngiâ Việt Nam – Sinuâ ai kơnâ kal khât troăng pêi cheăng ton xŏn tơniăn, lĕm, châ tơƀrê, ton xŏn.