Kố cho hâi pêi cheăng ki apoăng klêi kơ’nâi ‘mot tơkŭm tíu pêi cheăng. A mâu tíu troh ngăn, Kăn xiâm pơkuâ hnê ngăn cheăng Đảng mơnhên tối khât cheăng hbrâ rơnáu sap ing mâu ngế cheăng, kế tơmeăm xúa troh ứng dụng kong ngê̆ kơxô̆ tung pơkâ tơleăng mâu hlá mơ-éa.

Tơdroăng cheăng dêi mâu tíu pêi cheăng nếo hlo tơniăn lĕm, kăn ƀô̆ chêh pro mâu mơ-éa rĕng tro tiô tơdroăng kuăn pơlê ƀă khu mơdró kâ vâ. Kăn xiâm pơkuâ hnê ngăn cheăng Đảng tối nhên kal pơtối xo tŭm tơmeăm xúa, pôi tá tro pơtê tơdroăng cheăng; pơchân khu kăn pơkuâ cheăm athế xo tơdroăng ki hâk vâ dêi kuăn pơlê pro kế ki vê mơnhên tối kăn ƀô̆, kong chưk.

Malối, cheăm Phúc Thịnh kal tơtrŏng tơrŭm tung Khu pơkuâ ngăn, Khu pơkuâ cheăng, rak tơniăn kơ koan cheăng pêi cheăng tơƀrê, pơtối, châ tiô tơdroăng kuăn pơlê vâ tung hneăng ki pơhlêh kơxô̆.