Pôa Tô Lâm, Kăn xiâm pơkuâ hnê ngăn Đảng ƀă pôa Donald Trump, Kăn xiâm pơkuâ kong têa Mih tơpui tơdroăng ki kal tiô troăng phôn
Thứ năm, 14:02, 03/07/2025 Tơplôu: A Sa Ly/VOV Tơplôu: A Sa Ly/VOV
VOV.Xơ Đăng - Kơmăng hnah, lơ 2/7, pôa Tô Lâm, Kăn xiâm pơkuâ hnê ngăn Đảng hiăng ai roh tơpui tơdroăng kal tiô troăng phôn ƀă pôa Donald Trump, Kăn xiâm pơkuâ hnê ngăn kong têa Mih ‘na tơrŭm cheăng Việt Nam - Mih ƀă tơpui ‘na hnoăng mơhá pơla péa tơnêi têa.

A roh hôp tơpui tơno, Péa ngế kăn xiâm pơkuâ tối phiu ro hdrối mâu tơdroăng mơnhông ó rơdêi ƀă lĕm tro dêi tơrŭm cheăng pơla péa pâ. Pôa Donald Trump, Kăn xiâm pơkuâ hnê ngăn kong têa Mih kheăn kơdeăn tơdroăng Việt Nam tơkêa ăm hnoăng châ achê kơchơ mơdró kơjo ăm tơmeăm dêi Mih, tung mê, rơxế ô tô phân khô̆i kân.

Pôa mơnhên Mih kô kơdroh hên hnoăng mơhá ăm hên tơmeăm khoăng tê ngi kong têa ê dêi Việt Nam ƀă kô pơtối tơrŭm ƀă Việt Nam tung tơleăng mâu tơvâ tơvân tơdjâk troh tơrŭm cheăng pơla péa pâ, ki má lối cho tung mâu kơvâ ki péa pâ kơjo. Pôa Tô Lâm, Kăn xiâm pơkuâ hnê ngăn Đảng pơkâ thế peăng Mih rĕng mơnhên Việt Nam cho tơdroăng cheăng kâ kơchơ mơdró ƀă tah lôi ki pá tê ngi kong têa ê ƀă mâu tơmeăm kŏng ngê̆ rơxông nếo.

Pôa Tô Lâm prế pôa Donald Trump xuân hiăng tơpui tơno mâu troăng prôk, troăng pêi kân mơdêk tơrŭm Khu tơrŭm ton xŏn tâi tâng tung mâu hơnăm la ngiâ.

 

Tơplôu: A Sa Ly/VOV

Viết bình luận

TIN CÙNG CHUYÊN MỤC