Troăng kân kố cho troăng kân ki mơ’nui troăng kân ăm phêp rơxế kơtâu têi Dầu Giây – Liên Khương, tơdjêp pơlê kong kân Hồ Chí Minh – Đồng Nai – Bảo Lộc – Đà Lạt xŏn vâ chê 74 km, tâi tâng kơxô̆ liăn mơ’no hneăng má 1 lối 17.700 rơtal liăn, hâi khế pro tiô tối hdrối 30 khế. Klêi kơ’nâi kêi đeăng, troăng kân kô châ ăm xúa, kơxô hnoăng liăn tung 19 hơnăm 10 khế.

Xông tơpui a leh pơxiâm pro, pôa Nguyễn Hòa Bình tối rơdêi, troăng kân kô kum tah lôi tơdroăng chôm drô troăng kân Tơnêi têa 20, mơdêk mơnhông tíu kơdrâm kuăn pơlê rêh ối tê mơdró, logistics, pêi chiâk deăng xúa kŏng ngê̆ rơxông nếo ƀă ôm hyô ki dâi lĕm ăm Lâm Đồng; pơkâ kong pơlê thế mơnhên kố cho hnoăng cheăng kal kí ki xiâm, mơdêk rĕng tăng tơnêi lối 600 ha vâ pro troăng, tơniăn vêh xĕn ối kuăn pơlê lĕm tro tâ ăm kuăn pơlê ki tro tơdjâk.