
Rôh hôp kố cho vâ tơpui tơno ƀă ăm rơkong veăng tơpui tối ‘na Kơxop mơ-éa Pơkâ pêi cheăng dêi Khu pơkuâ ngăn Đảng ƀô̆ kong pơlê hơnăm 2020 – 2025 ƀă hên tơdroăng kal ki ê. Kơxop mơ-éa ai 5 chương, 25 troăng, pơkâ nhên hnoăng cheăng, hnoăng pơkuâ, tơrŭm pêi cheăng pơla mâu kơ koan tung kong pơlê ƀă Tơnêi têa, rak vế tơdroăng ki pơkuâ tơƀrê, lế lĕm.

Tơpui hnê mơhno, pôa Nguyễn Đình Trung, kăn pơkuâ ngăn Đảng pơkâ thế mâu ngế cheăng tung Khu pơkuâ mơnhông hiâm mơno pôu râng, djâ troăng ahdrối, tơrŭm ƀă pêi pro kơtăng pơkâ vâ tơbleăng pêi hnoăng cheăng tơniăn lĕm. A rôh hôp, Khu pơkuâ ngăn Đảng hiăng tơbleăng pơkâ mơjiâng Khu hnê mơhno mơjiâng khoa hok, kong ngê̆, pơhlêh nếo, tơmiât pêi rơkê ƀă pơhlêh kơxô̆ dêi kong pơlê; ăm rơkong tơpui tối ‘na kơvâ cheăng, hnoăng cheăng dêi Khu hnê mơhno; séa ngăn tơdroăng rôh hôp má môi Khu pơkuâ ngăn Đảng ƀô̆ kong pơlê ƀă hnoăng cheăng kăn ƀô̆ rơtế ƀă mâu tơdroăng kal ki ê.
Viết bình luận