Anôk bruă sang čư̆ êa čar Gia Lai mâo leh hră mơĭt mtă kơ bruă Đảng anôk bruă sang čư̆ êa čar ksiêm dlăng, ba mdah kơ Anôk kriê dlăng bruă Đảng čar tŭ ư kơ hdră mtrŭn čiăng kơ Êpul gơ̆ng bruă ƀuôn sang čar ba mdah Hdră mtrŭn đru prăk tăk kơ phung knuă druh, mnuih mă bruă gưl čar nao ngă bruă ti Anôk bruă mrâo leh bi mŭt hŏng čar Bình Định.

Hluê klei ba mdah, grăp čô dưi đru 23 êklăk prăk, bi knar hlăm brô 10 mlan prăk mlan gưl nah gŭ. Ênoh mnuih dưn hdră đru anei truh 1.844 čô, hŏng ênoh giăm 42,4 êklai prăk, mă mơ̆ng ngăn prăk čar Gia Lai êlâo kơ bi mŭt mbĭt. Hdră mtrŭn kñăm đru kơ mnuih mă bruă lŏ mâo klei găl mprăp blei dŭm mta mnơ̆ng yua ti anôk mrâo. Tĭng leh bi mŭt mbĭt, anôk bruă knŭk kna mrâo mơ̆ng čar dưi mkŏ mjing ti čar Bình Định ară anei, kbưi hŏng anôk bruă hđăp hlăm brô 165 km.