Leh êbeh sa thŭn ngă hdră, mâo leh giăm 570.000 gưl čô mnuih mă bruă jing mnuih djuê ƀiă dưi mâo klei đru hŏng ênoh prăk êbeh 1.270 êklai prăk. Dŭm hdră êlan anei đru mkŏ mjing bruă mă hơĭt, mđĭ hnơ̆ng tŭ jăk mnuih mă bruă leh anăn mtrŭt mđĭ klei đĭ kyar bruă duh mkra ala ƀuôn. Biădah, boh sĭt hluê ngă hdră ăt dôk mâo lu klei dleh kpăk, hnơ̆ng ba yua dôk điết, ênoh đru ƀiă, wưng bhiâo, hră mơar knŭk kna dôk dleh dlan ngă kơ knơ̆ng bruă dleh dlan…

Hlăm klei kƀĭn trông, phung bi ala bi mguôp klei blŭ čiăng bi ênŭm hdră êlan  hluê êlan klă klơ̆ng leh anăn klă sĭt hĭn. Klei kƀĭn trông jing yuôm bhăn čiăng đru mguôp hlăm bruă mkra mlih dŭm klei bi klă čiăng hưn mdah hŏng Khua knŭk kna ksiêm dlăng, mkŏ mjing hdră êlan hrăm mbĭt, boh kdrŭt sui kơ anôk bruă êngao knŭk kna hlăm bruă yua leh anăn mđĭ kyar mnuih mă bruă krĭng mnuih djuê ƀiă leh anăn krĭng čư̆ čhiăng hlăm boh sĭt mrâo.