Leh mkŏ dăp, čar Dak Lak mâo 102 anôk bruă knŭk kna gưl să, mâo 88 să lehanăn 14 ƀuôn hgŭm, hlăm anăn mâo 82 să, 14 ƀuôn hgŭm dưi mkŏ mjing leh mkŏ dăp, hluê ngă hdră bi mlih anăn lehanăn 6 să amâo hluê ngă hdră mkŏ dăp mâo dŭm să Ea H’Leo, Ea Trang, Ia Lốp, Ia Rvê, Krông Nô, Vụ Bổn. Leh mkŏ dăp, ti Gia Lai mâo 135 anôk bruă knŭk kna gưl să, mâo 110 să lehanăn 25 ƀuôn hgŭm; hlăm anăn mâo 101 să, 25 ƀuôn hgŭm dưi mkŏ mjing leh mkŏ dăp lehanăn 9 să amâo hluê ngă hdră mkŏ dăp mâo dŭm săIa O (kdriêk Ia Grai), Nhơn Châu, Ia Púch, Ia Mơ, Ia Pnôn, Ia Nan, Ia Dom, Ia Chia lehanăn Krong.

Leh mkŏ dăp, ti čar Lâm Đồng mâo 124 anôk bruă knŭk kna gưl să, mâo 103 să, 20 ƀuôn hgŭm, 1 krĭng wăl; hlăm anăn mâo 99 să, 20 ƀuôn hgŭm, 1 krĭng wăl leh mkŏ dăp, hluê ngă hdră bi mlih anăn lehanăn 4 să amâo hluê ngă hdră mkŏ dăp mâo dŭm să Quảng Hòa, Quảng Sơn, Quảng Trực, Ninh Gia. Dŭm anôk bruă djŏ tuôm mjêč hluê ngă dŭm hdră bruă, rơ̆ng bruă knŭk kna gưl să mrâo mkŏ mjing srăng ngă bruă klă klơ̆ng mơ̆ng hruê 1/7/2025.