Čar Gia Lai mdơ̆ng mrâo, mkra mđĭ leh êbeh 7.900 boh sang, mâo êbeh 97% hdră kčah hlăm hdră msir lăm sang dôk êjai, sang tĭ ƀrôč. Truh kơ ară anei, 6.465 boh sang dưi ngă leh, 10/17 alŭ wăl dưi bi leh 100% ênoh sang mâo rŭ mdơ̆ng hluê hdră kčah, hlăm anăn 6 alŭ wăl ba jao leh sang. Dŭm alŭ wăl ba akŏ hlăm hdră anei mâo: Pleiku, An Khê, Ayŭn Pa, Đăk Pơ, Phú Thiện, Krông Pa, Đức Cơ, Čư̆ Sê, Đak Đoa lehanăn Kbang.

Hlăm hdră pŏk ngă, dŭm alŭ wăl tuôm hŏng klei dleh dlan djŏ tuôm kơ wưng brei ngă leh pral, kƀah mnuih mă bruă, mnơ̆ng yua rŭ mdơ̆ng đĭ. Khă snăn, kyua iêu mtrŭt klei đru mơ̆ng êpul kahan lehanăn mnuih ƀuôn sang tinei mtamn, hdră ăt rơ̆ng wưng hluê ngă. Akŏ yan hjan thŭn anei, êbeh 6.000 gŏ sang ƀun, giăm ƀun, gŏ sang knŭk kna dlăng ba mâo leh sang dôk kjăp, êđăp ênang, mkiêt mkriêm ênoh bi liê./.