Anei jing êpul bruă ala ƀuôn - bruă knuă tal êlâo hlăm logistics, dŭ mdiăng leh anăn hdră bruă kdrŭn ksĭ mơ̆ng alŭ wăl leh bi mŭt anôk bruă knŭk kna plah wah Phú Yên leh anăn Dak Lak. Êpul bi hgŭm ngă bruă hlue si klei bhiăn čŏng ngă, čŏng kriê dlăng, čŏng bi liê, kñăm bi kƀĭn, đru kơ phung hlăm êpul, răng mgang klei dưi leh anăn klei tŭ dưn djŏ hdră bhiăn mơ̆ng anôk bruă duh mkra, mbĭt anăn mđĭ kyar logistics leh anăn hdră bruă kdrŭn ksĭ mơ̆ng alŭ wăl.

Bruă mkŏ mjing êpul hgŭm mkŏ mjing hlăm boh klei čar Dak Lak pŏk wăl đĭ kyar mơ̆ng dap kngư kơ êa ksĭ, mjing klei găl mkŏ hdră mkăp, dŭ mdiăng, ba čhĭ kơ ala tač êngao leh anăn hdră bruă logistics mlir krĭng. Ară anei êpul bi hgŭm iêô jak êbeh 50 êpul bruă, phung ngă bruă logistics, bruă dŭ mdiăng, mnia blei leh anăn mkra mjing čih anăn hgŭm.