Klei kƀĭn trông mkŏ mjing hlăm 2 hruê 7 - 8/5 hŏng klei nao hgŭm mơ̆ng khua gĭt gai dŭm ala čar ASEAN leh anăn khua gĭt gai ASEAN. Anei jing sa hlăm dua klei kƀĭn trông gưl dlông grăp tuôr yuôm bhăn hĭng mơ̆ng ASEAN hlăm thŭn 2026 čiăng bi klă kluôm dhuôm boh sĭt tar rŏng lăn, alŭ wăl leh anăn bi tŭ ư dŭm hdră êlan bi mguôp hlăm wưng kơ anăp.

Hlăm klei kƀĭn trông, dŭm ala čar kñăm kơ lu mta phŭn djŏ tuôm čiăng rơ̆ng kơ klei êđăp ênang, hơĭt kjăp hlăm alŭ wăl, mđĭ hĭn klei bi mguôp bruă duh mkra, bi mlih mrô leh anăn mđĭ bruă klam mơ̆ng ASEAN. Bruă Khua Knŭk kna Lê Minh Hưng nao hlăm klei kƀĭn trông lŏ dơ̆ng mñă klă ASEAN jing klei mđing tal êlâo hlăm hdră êlan hŏng tač êngao mơ̆ng Việt Nam, mbĭt anăn bi êdah hdră êlan êngiê, čŏng pô, lu tĭng, lu jơr klei mjĕ giăm hluê ai tiê klei kƀĭn prŏng tal 14 mơ̆ng Đảng.