Khua Knŭk kna Lê Minh Hưng bi tuôm hŏng khua gĭt gai dŭm ala čar ti Philippines
Thứ sáu, 10:39, 08/05/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê mbruê 7/5, ti Cebu, Philippines, Khua Knŭk kna Lê Minh Hưng mâo leh klei bi tuôm dua tĭng hŏng khua gĭt gai dŭm ala čar leh anăn êpul bruă lu ala čar nah êngao klei kƀĭn ASEAN.
Hlăm klei bi tuôm hŏng Khua Mil Čhil Philippines, Khua Knŭk kna mñă klă Việt Nam sa ai hŏng Philippines, klam ngă tŭ dưn khua gĭt gai ASEAN 2026, đru bi kjăp klei bi mguôp, sa ai leh anăn bruă kñăm mơ̆ng ASEAN. Drông Khua Knŭk kna Campuchia Hun Manet, dua tĭng bi tŭ ư mtrŭt mđĭ hnưm hdră êlan bi mguôp bruă du mkra mrâo bi mguôp kjăp dua anôk bruă duh mkra truh thŭn 2035, hdră tă truh thŭn 2050, mbĭt anăn ksiêm duah hdră êlan mkŏ êlan dơ̆ng pral ƀuôn prŏng Hồ Chí Minh/Mộc Bài - Bavet/Phnom Penh.
Hlăm klei bi tuôm hŏng Mtao Brunei, Khua Knŭk kna mñă kơ dua tĭng hluê ngă tŭ dưn hdră bi mguôp ƀĭn hgŭm kluôm dhuôm Việt Nam - Brunei wưng thŭn 2023 - 2027, mtrŭt mđĭ klei bi mguôp bruă duh mkra leh anăn mnia mblei.
Viết bình luận