Dŭm êbâo bruă mă logistics truh hŏng phung hriăm gưl prŏng Lăn Dap Kngư
Thứ sáu, 10:40, 08/05/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Aguah mbruê 7/5, Sang hră gưl prŏng Lăn Dap Kngư bi mguôp hŏng êpul hgŭm kdrŭn ksĭ - êa ksĭ čar Dak Lak mkŏ mjing hruê knăm bruă mă, hưn mdah dŭm êbâo klei găl mă bruă kơ phung hriăm gưl prŏng alŭ wăl kwar krah - Lăn Dap Kngư, boh nik hlăm bruă logistic.
Nao hgŭm hlăm hdră mâo 40 knơ̆ng bruă hŏng 40 anôk rang mdah mnơ̆ng hlăm dŭm mta bruă msĕ si kế toán, lập trình viên AI, bi êran kdrŭn ksĭ, hdră mkra mjing kŭm păn, mkra êdeh oto… kơ hlăm brô 4.000 čô hriăm gưl prŏng mơ̆ng lu sang hră gưl prŏng, gưl krah hlăm alŭ wăl.
Êngao kơ klei duah mnuih mă bruă, phung hriăm gưl prŏng lŏ nao hlăm klei kƀĭn “Hruê knăm bruă mă Valoma 2026” hŏng akŏ mđĭ kyar ai dưi - mkŏ mjing êdei anăp. Tinei, phung thơ̆ng kơ bruă bi kah mbha lu mta phŭn kơ bruă mă mrâo, mđĭ ai bi ktưn ti anôk mă bruă.
Viết bình luận