Dak Lak ruh mgaih klei kpăk dŭm hdră kreh knhâo mrâo mrang, bi mlih mrô
Thứ sáu, 10:40, 08/05/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Bruă sang čư̆ êa čar Dak Lak mrâo mkŏ mjing klei kƀin ksiêm wĭt bruă hluê ngă bruă klam kreh knhâo mrâo mrang, mlih mrâo mbruă leh anăn bi mlih mrô ti alŭ wăl, čiăng ruh mgaih klei dleh dlan čiăng rơ̆ng djŏ hdră kčah.
Hluê si knơ̆ng bruă kreh knhâo leh anăn mrâo mrang, wưng thŭn 2023 - 2026, čar hluê ngă 21 bruă klam kreh knhâo mrâo mrang gưl čar hlăm bruă lŏ hma kdrăp mrâo mrang, mrka mjing, êa drao leh anăn bi mlih mrô hŏng ênoh prăk êbeh 37 êklai prăk, truh kơ ară anei brei čan leh 21 êklai prăk, mâo giăm 56% hdră kčah.
Mơ̆ng thŭn 2021truh kơ ară anei, Dak Lak ăt hluê ngă 19 hdră kñăm kơ klei hưn mthâo mrâo mrang leh anăn bruă mlih mrô. Knŏng thŭn 2026, alŭ wăl dăp hlăm brô 300 êklai prăk kơ dŭm hdră msĕ si mđĭ hĭn klei kƀĭn trông online truh ti gưl să, bi mlih mrô hră mơar leh anăn mkŏ mjing atur mrô đru kơ klei gĭt gai, răng mgang klei êđăp ênang.
Viết bình luận