Khua gĭt gai Đảng, Khua lăn čar Tô Lâm mphŭn gưl nao čhưn knŭk kna ti Srilanka
Thứ sáu, 10:40, 08/05/2026
H'Zawut Ƀuôn Yă/VOV Tây Nguyên
H'Zawut Ƀuôn Yă/VOV Tây Nguyên
VOV.Êđê- Mmăt 7/5, Khua gĭt gai Đảng, Khua lăn čar Tô Lâm hŏng êpul bi ala gưl dlông Việt Nam, đuĕ mơ̆ng India, mphŭn gưl nao čhưn gưl knŭk kna ti Sri Lanka hlue si asăp jak iêô mơ̆ng Khua mil čhil Anura Kumara Dissanayake.
Anei jing gưl nao čhưn tal êlâo mơ̆ng sa čô Khua gĭt gai Đảng, Khua lăn čar Việt Nam ti Sri Lanka, jing klei yuôm bhăn hlăm klei bi hgŭm dua ala čar. Gưl nao čhưn bi mklă Việt Nam dlăng myuôm nanao klei bi hgŭm knhuah gruu hŏng Sri Lanka, mbĭt anăn pŏk klei găl mđĭ bi hgŭm dua nah hlăm lu mta bruă hlăm wưng kơ anăp.
Mbĭt hŏng gưl nao čhưn ti India, bruă hŏng tač êngao tal anei lŏ dơ̆ng bi êdah klei gĭr mơ̆ng Việt Nam hlăm bruă mđĭ klei bi hgŭm hŏng krĭng Dhŭng Asi, đru mđĭ klei êđăp ênang, hơĭt kjăp, bi hgŭm leh anăn mđĭ kyar ti krĭng wăl, kyua klei tŭ dưn mnuih ƀuôn sang dŭm ala čar.
Viết bình luận