Kô cho  rôh pơxiâm hbrâ ki kal vâ tơniăn ăm mâu cheăm ki nếo hbrâ vâ pêi cheăng sap hâi lơ 1/7/2025. Tiô pơkâ, tơdroăng mơnúa pêi kô pêi tơdrêng a mâu cheăm, bêng klêi tơ’mot. Rêm cheăm kô tơkŭm po mâu rôh pêi cheăng tro tiô luât pơkâ pêi dêi mâu kăn ki nếo.

Pơkâ mê vâ tối tâi tâng ivá tơkŭm po, pơkuâ, tah mâu tơdroăng ki ôh tá tro, tơvâ tơvân dêi khu kăn ƀô̆ ki pêi cheăng tung khu kăn ki nếo. Ing mê, teăm châ ‘nâi mâu tơdroăng ki pá, tơvâ tơvân vâ ai troăng hơlâ tơkâ luâ, drêng túa pêi cheăng kô pêi khât. Nôkố mâu cheăm bêng kong pơlê ki tro mâu cheăm xut tah inâi, mơhno tíu pêi cheăng a ê, pê klêi tơmeăm hbrâ, mâu ƀơrô điê̆n tưh, phần mềm rak  ƀă mâu troăng hơlâ ki tơdah kuăn pơlê.