Kơxê lơ 22/06, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa, Kăn pơkuâ khu hnê mơhno mâu tơdroăng pơkâ xiâm tơnêi têa; Kăn hnê ngăn Hô̆i đong tơ’noăng kheăn kơdeăn Tơnêi têa pơkuâ Hneăng hôp lâp tơnêi têa mơgêi Tơdroăng pơkâ xiâm tơnêi têa mơjiâng thôn pơlê nếo, Tơdroăng pơkâ xiâm tơnêi têa kơdroh kơtiê krá tơniăn ƀă tơdroăng ‘’Lâp tơnêi têa tơdjuôm ivá mơjiâng thôn pơlê nếo’’, tơdroăng ‘’Tŏng gum mơngế kơtiê – Ôh tá lôi kơbố parŏng’’ hneăng hơnăm 2021 – 2025.

Xông tơpui a Hneăng hôp, Ngế pro xiâm hnê ngăn tơnêi têa tối: Mâu râ tơring hiăng pêi kêi đeăng hnoăng cheăng mơnhông tơtêk. Tơdroăng xiâm tơnêi têa mơjiâng thôn pơlê nếo hiăng châ mơnhên châ lối 50% tơring châ plah thôn pơlê nếo. Xua mê, kal kheăn kơdeăn hnoăng dêi mâu râ tơring tung mơnhông pêi chiâk deăng, thôn pơlê ƀă kuăn pơlê pêi chiâk deăng, tro hnoăng ƀă tơdroăng mơnhông mơdêk.

Ngế pro xiâm hnê ngăn tơnêi têa tối hneăng hơnăm 2026 – 2035, tơkŭm mâu tơdroăng xiâm tơnêi têa dế châ pêi pro chiâng 1 tơdroăng vâ ôh tá tro tơkŭm ‘na tơdroăng cheăng, hnoăng cheăng. Ngế pro xiâm hnê ngăn tơnêi têa tối nhên tơdroăng pơkâ xiâm tơnêi têa mơjiâng thôn pơlê nếo thế châ mơdêk ‘na tơdroăng pơkâ, túa pêi, thôn pơlê nếo ki tơtêk, kơpong kân rơdâ tâ, ƀă mơngế rơdâ tâ, mơnhông mâu tơmeăm OCOP.