VOV.Xơ Đăng -  Kơxo lơ 22/06, a hngêi Kuô̆k hô̆i, tơkŭm po Hneăng hôp kăn teăng mâ Kuô̆k hô̆i hơnăm ối nếo veăng tơpui Tơdroăng tơkêa bro ki kal Hneăng hôp Đảng roh má 14.

VOV.Xơ Đăng - Hâi lơ 23/6, kong pơlê Dak Nông mơnúa ăm pêi cheăng môi cheăng môi cheăm ƀă môi bêng nếo drêng pêi pro tơmot chiâng môi. Kăn ƀô̆, kŏng chưk mâu cheăm, bêng kố hiăng dế mơ-eăm pêi cheăng, hbrâ ăm hnoăng cheăng nếo.

VOV.Xơ Đăng – Ƀă tơdroăng kơhnâ hlối vâ khât ‘na tơdroăng cheăng pêi, hên ngế chêh hlá tơbeăng hơnăm ối nếo Dak Lak dế chêh tơbleăng túa lĕm tro, tơbâ tuăn pâ ƀă tơdroăng ki hâk tơngăm ‘na túa lĕm tro, vêa vong dêi kuăn ngo, hlối tơbleăng ki lĕm tro ton nah dêi kuăn pơlê mâu hdroâng kuăn ngo a Tây Nguyên troh ƀă kuăn pơlê. Drêng troh tơbâ 100 hơnăm Hâi hlá tơbeăng kăch măng Việt Nam lơ 21/6.

VOV.Xơ Đăng -  Ngế pro xiâm hnê ngăn tơnêi têa pói vâ mâu khu chêh hlá tơbeăng mơnhông khôi túa 100 hơnăm Hlá tơbeăng kăch măng Việt Nam, ƀă ‘’hiâm mơno lĕm, hiâm mơno hleăng, chêh rơkê’’ pơtối veăng kum ăm tơdroăng mơnhông dêi tơnêi têa, dêi hdroâng mơngế ƀă kuăn pơlê.

VOV.Xơ Đăng - Kơxê hâi lơ 19/6, a Hà Nội, Đảng ủy kŏng an Xiâm tơkŭm po Hôp Đảng ủy Kong an xiâm 6 khế apoăng hơnăm 2025 vâ ăm veăng hnê tối a mâu tơdroăng kal tiô hnoăng cheăng pêi.

VOV.Xơ Đăng - Hâi lơ 19/6, Khu kăn Đảng Dak Lak tơkŭm po Hôp mơgêi tơdroăng cheăng séa ngăn, tăng ngăn, pêi tro luât tung Đảng, hneăng 2020-2025.

VOV.Xơ Đăng - Khu hnê mơhno kô krâ ƀă pơkâ hnoăng cheăng nhên ăm tơrêm ngế kăn ƀô̆ tâng lơ ai tơdroăng xôi tung pơla pêi hnoăng cheăng a hneăng tơ’noăng.

VOV.Xơ Đăng - Bêng Pleiku châ kong pơlê Gia Lai rah xo vâ ăm mơnúa pêi cheăng sap hâi lơ 25/6 tiô tơdroăng cheăng nếo tung khu râ kăn pơkuâ pêi cheăng 2 râ. Kố cho tơdroăng ki apoăng vâ kong pơlê pêi pro tơdâng tơ’mô troh 76 cheăm, bêng ki u ối nếo sap ing lơ 1/7.

VOV.Xơ Đăng - Hâi lơ 19/6 a Hà Nội, pôa Tô Lâm, Kăn xiâm pơkuâ hnê ngăn Đảng “Quân ủy Xiâm tơnêi têa rôh má 14 hneăng 2020-2025 ‘na tơdroăng ki kal môi tiah tối tơbleăng mơgêi mâu tơdroăng cheăng lêng, ‘na lêng kring gak 6 khế apoăng hơnăm 2025, tơbleăng khu mâu lêng lăm prôk pơtăng tung rôh leh tơbâ 80 hơnăm Kăch măng khế Tơheăm plêi trâng ƀă hâi mơjiâng tơnêi têa Kŏng hoa xah hô̆i chuh ngiah  Việt Nam  lơ  (2/9/1945 - 2/9/2025); ƀă hnê mơhno pêi pro tơdroăng cheăng lêng ƀă mơjiâng Đảng ƀô̆ mâu lêng 6 khế mơ’nui hơnăm 2025.

VOV.Xơ Đăng - Hâi lơ 19/6, a Hà Nội hiăng pơxiâm po leh tơbâ Khu chêh hlá tơbeăng lâp tơnêi têa 2025 ƀă pơxá “Hlá tơbeăng Việt Nam - Môi tuăn, hriĕn plĕng ki nếo, khên tơnôu, Pơ’lêh nếo xua tơdroăng cheăng mơjiâng ƀă kring vế tơnêi têa”.