Tung hneăng hdrối, râ ủy ƀă Vi ƀan Séa ngăn rêm râ hiăng pêi pro tro luât tâi tâng 35 khu tơrŭm cheăng Đảng ƀă 1.746 đảng viên. Tơdroăng cheăng tơdah xo, tơleăng mơnhên hlá đơn săm phoăng, săm tơkêng châ pêi pro kơtăng, veăng rak ki kơtăng, luât pơkâ tung Đảng.

Laga, tơdroăng séa ngăn, tăng ngăn ối hên mê cho: Hâi teăm tơdrêng châ ‘nâi tơdroăng xôi; tơdroăng pêi mơgêi séa ngăn a mâu tíu hâi kơtăng; tơdroăng tăng ‘nâi plĕng mâu tơdroăng, tí tăng ngăn drêng hlo ai xôi nếo tăng ngăn. Pôa Nguyễn Đình Trung, Kăn hnê ngăn Đảng ủy Dak Lak khĕn kơdeăn khât tơdroăng kơdôu mơ-eăm dêi râ ủy, Vi ƀan Séa ngăn  rêm râ tung hneăng hdrối.

Pakĭng mê tối pơchân, hneăng la ngiâ kal thế tơkâ luâ tơdroăng hâi pêi pro ki pro hâi tro, mơdêk tơƀrê séa ngăn, malối tung pơla tơnêi tíu rơdâ, hên tơdroăng cheăng tơ’lêi nếo ai ki ôh tá tro.