Hneăng hôp po tung péa hâi lơ 24 ƀă 25/6 ƀă mâu tơdroăng ki xiâm môi tiah: mơnhên tối tơdroăng mơnhông cheăng kâ rêh ối pơlê pơla 6 khế apoăng hơnăm; tơpui tơno ƀă pơkâ tơleăng mâu hlá mơ-éa pơtroh, kơxop mơ-éa pơkâ ‘na ‘mâi pơhlêh túa ‘no liăn cheăng tơdjuôm ki krâ kơdrâ hơnăm pơla hneăng 2021 – 2025, troăng hơlâ tŏng gum hok tro, sinh viên cheăm Nhơn Châu dế hriâm cheăng a kong pơlê rơtế ƀă hên tơdroăng kal ki ê.

Sap ing hâi lơ 1/7, 2 to kong pơlê Bình Định ƀă Gia Lai kô tơkŭm môi chiâng kong pơlê Gia Lai nếo, ƀă tâi tâng ai 135 to cheăm bêng. Tơdroăng ki tơkŭm môi ôh ti xê po ăm tơdroăng mơnhông kân rơdâ mê nếo pro ai mâu rôh tơ’lêi hlâu ki kal vâ kong pơlê mơnhông tơƀrê, mơnhông rơdêi. Laga, tung pơla kố xuân pơkâ mơ’no hên pơloăng mơnúa kal tơkŭm pơkâ tơleăng, ivá mơ-eăm pêi pro klêi mâu tơdroăng pơkâ pêi, hnoăng cheăng mơnhông cheăng kâ rêh ối pơlê pơla hơnăm 2025, ƀă tơdroăng pơkâ mơdêk GRDP mơeăm châ lối 8,5%.