Rôh hôp hiăng tơbleăng hên pơkâ ki kal hdrối vâ tơrŭm 2 kong pơlê Bình Thuận, Dak Nông chiâng kong pơlê Lâm Đồng ki nếo. Hneăng hôp, tơbleăng 6 tơdroăng pơkâ ki kal, tung mê, ai 3 tơdroăng pơkâ tơdjâk troh pơkâ ‘no liăn mơjiâng tơmeăm khoăng  tơnêi têa, 1 pơkâ thế pơtê tơdroăng ‘no liăn pêi tơdroăng tơkêa pro, 1 pơkâ ai tơdjak troh pơkâ xo liăn nâp, hrê liăn ngân ƀă 1 tơdroăng pơkâ ‘na tơ’nôm hợp đồng pêi cheăng ki hmâ tung kơvâ  hnê hriâm.

Tơbleăng mơgêi rôh hôp, Kăn xiâm hnê ngăn Hô̆i đong kuăn pơlê kong pơlê Lâm Đồng, jâ Phạm Thị Phúc tối, mâu tơdroăng kal châ séa ngăn, pơkâ a hneăng hôp ai pơxúa khât, hlối tơniăn tro tiô luât, hlối pro xiâm ăm rôh ki pơ’lêh pơtối, tơ’mot kong pơlê, xing xoăng pro rế lĕm tíu pêi cheăng mâu kăn râ cheăm ƀă tơkŭm mơnúa pêi cheăng mâu kăn kong pơlê 2 râ.