Mê cho: Khu pêi cheăng tơrŭm pro pơkeăng Hoàng Hiểu Tu Mrông a cheăm Đăk Hà, tơring Tu Mrông; Tôh tơrŭm cheăng pêt sâm Ngọc Linh Đăk Xây a cheăm Xốp, tơring Đăk Glei; rơpŏng pôa A Sỹ, A Chung ối a cheăm Tê Xăng ƀă Măng Ri, tơring Tu Mrông nôkố dế pêt 5.800 xiâm sâm Ngọc Linh ing 6 hơnăm tơngi klêng.

Pôa Huỳnh Trung Kim, Phŏ Pơkuâ xiâm khoa hok ƀă Kŏng ngê̆ kong pơlê Kon Tum, ăm ‘nâi, troh nôkố, tiú pêi cheăng mê hiăng ăm Hlá mơ-éa mơnhên xúa inâi tơnêi tíu pêt “ Ngọc Linh’’ tơmeăm pôm sâm ăm 13 khu pêi cheăng ƀă mâu ngế. Hdrối vâ ăm tíu pêi cheăng tơrŭm ƀă Khu xiâm ngăn pêi chiâk ƀă hyôh kong prâi Vi ƀan kuăn pơlê mâu tơring ƀă cheăm hiăng séa ngăn, mơnhên kơxô̆, hơnăm, tơring, kơpong pêt sâm pâ thế ăm inâi tơnêi tíu pêt.

Pakĭng mê, xo ngăn túa vâ mơnhên ADN drêng ăm ‘nâi vâ ngăn tối tro cho sâm Ngọc Linh mê nếo ăm hnoăng xúa inâi tơnêi tíu pêt “Ngọc Linh”.