Pôa Tô Lâm tối nhên: vâ pơtối rak vế ƀă mơdêk hên tâ nếo tơdroăng pơkuâ pêi cheăng 6 khế mơ’nui hơnăm 2025, Quân ủy xiâm tơnêi têa tơkŭm hnê mơhno pêi tro “3 tơdroăng ki kal, 3 tơdroăng pêi kơtăng”, pêi troh tơdroăng hbrâ ƀă tơkŭm pê klêi hneăng Hôp kân Đảng ƀô̆ Mâu lêng rôh má 12; veăng amê ƀă hnoăng cheăng ki ó má môi vâ pơxúa ăm hneăng hôp mâu kăn tung lâp tơnêi têa rôh má 14 dêi Đảng; hnê mơhno tơbleăng khu tơrŭm cheăng lêng kong pơlê tơtro ƀă khu kăn a kong pơlê 2 râ. 

Pakĭng mê, kăn hnê ngăn mơdêk ivá tối tơbleăng, tăng ‘nâi plĕng  nhên, tối troh tơdroăng, teăm tơdrêng tăng ‘nâi ăm Đảng, Tơnêi têa hbrâ troăng hơlâ, luât pơkâ tơniăn má môi ki pơxúa ăm tơnêi têa - kuăn ngo- kring vế krá tơniăn hnoăng pơkuâ, lâp tơnêi têa tơrŭm môi, tung lâp tơnêi têa.