Tơbleăng hnê mơhno a rôh hôp pôa Tô Lâm, Kăn xiâm pơkuâ hnê ngăn Đảng tối nhên, tung hơnăm hdrối kô nah, khu lêng, Kŏng an kuăn pơlê ai hnoăng pơkuâ hnê dêi Đảng ủy Kŏng an xiâm tơnêi têa pơtối rak vế pêi pro tơdroăng cheăng djâ troăng lĕm ahdrối, prôk hdrối tung pêi pro mâu troăng hơlâ dêi Đảng, malối djâ troăng ahdrối pêi pro mâu Pơkâ kơxô̆ 18 ƀă tơbleăng túa pêi cheăng mâu kăn a kong pơlê péa râ rơtế mơdêk xoăng hnoăng cheăng, xoăng râ vâ ăm kong pơlê.

‘Na troăng hơlâ, tơdroăng cheăng pêi 6 khế mơ’nui hơnăm 2025 ƀă mâu hơnăm pơtối, Kăn xiâm pơkuâ hnê ngăn Đảng pơkâ thế mâu lêng Kŏng an kuăn pơlê thế tơdjuôm ivá vâ pê klêi tơƀrê mâu pơkâ dêi  Đảng; pêi tơdroăng pơkâ tŏng gum ƀă  kăn ƀô̆ ki tro tơdjak troh, tơdjâk xua mơ’no, rah xo pro rế lĕm mâu kăn cheăng ăm tơnêi têa; hbrâ nhên tŭm tơdroăng vâ tơkŭm pê klêi hneăng Hôp Đảng ƀô̆ Kŏng an Xiâm tơnêi têa rôh má 8, tơniăn Hlá mơ-éa chêh hneăng Hôp ai pơxúa cho plá on koh kân séa mơhno troăng ăm tơdroăng kring tơniăn, mơjiâng khu lêng Kŏng an kuăn pơlê ai tiô tơdroăng púi vâ pêi cheăng tung mâu hơnăm kăch măng nếo, tơxâng ƀă tơdroăng loi khât, tơngah ki Đảng, Tơnêi têa ƀă kuăn pơlê ‘măn ăm mâu lêng Kuăn pơlê.