Rơh nglăp nsum aơ, Phú Yên geh 971 cán bộ hăn ta Đăk Lăk, tâm nĕ geh 876 nuĭh leo kan gâl phòng n’hanh nuĭh way kan, 95 cán bộ geh nău kan bâh Giám đốc let lơ, bâh nuĭh geh pă ngih jay gŭ tĭng nău ntrŭnh. Lôch rơh mbơh nău kan njêng n’gor mhe ta lơ 30/6, ăp ntŭk kan, n’gâng kan mbra geh lăp pah kan ngăn. Bol ma geh âk nău jêr mpeh ngih jay gŭ, nău rêh n’hanh nău nti bâh oh kon, yơn đah nău dơn kan nhanh nău leo kan, ăp cán bộ bôk năp hăn bâh Phú Yên tât ta Đăk Lăk lĕ mpơl nău nsrôih lăp kan ndrel ngăch, nsum săk soan yor nău hun hao nâp nâl bâh n’gor mhe ta rơh ntơm kan bôk năp.

Hang rhiăng cán bộ, công chức n’gor Gia Lai lĕ hăn tă ta ntŭk hành chính mhe ta nkual ƀon têh Quy Nhơn, n’gor Bình Định, ntơm tât pah kan, ƀư tĭng rgum tâm di lvang hun hao mhe bah n’gỏ Gia Lai. Bah n’gul khay 6, Ban Thường vụ N’gor ủy ăp n’gor Gia Lai n’hanh Bình Định lĕ geh samƀŭt tâm ban ŭch; tâm rơh 1, nta an nklăp 50% tâm 1.800 cán bộ,. công chức viên chức bah ăp n’gâng kan, nău kan sĭt ntŭk pah kan hành chính mhe. Rnoh cán bộ hôm ƀa ƀă pah kan ta ntŭk 2 ta nkual ƀon têh Pleiku gay đăp mpăn nău kan na nao bah N’gâng kan hành chính ta n’gor Gia Lai (ơm) tât lĕ năm 2025. B ah kơi năm 2025, ăp n’gâng kan mbra nchrăp lor dăn đă trong nchrăp tâm pă nuĭh kan tâm di, tĭng nău ngăn mbơh ƀư n’hanh ndoh ndơ ngih wâl ta Quy Nhơn.

Lĕ rngôch BCH Đảng bộ n’gor Kon Tum khóa 16, lĕ tât ta n’gor Quảng Ngãi gay ma ôi aơ lơ 30/6 râng nar mbơh leo ƀư nău kan n’hanh n’gâng kan mhe. Đah 40 xã, phường mhe bâh n’gor Kon Tum ơm ngai đah ntŭk kan hành chính n’gor mhe Quảng Ngãi klâp ma 200km, nuĭh leo kan 2 n’gor Kon Tum n’hanh Quảng Ngãi lĕ dơn ngoăy njêng 10 ntŭk ƀoh ngơi ta ntŭk kan 10 nkuăl, nkuăl ƀon têh bâh n’gor Kon Tum ơm gay ma ndrel tât râng nău kan khlăy bâh trong trực tuyến.