Ôi 29/6, ta Ngih Chính phủ, Thủ tướng Phạm Minh Chính lĕ wơt wa Maeda Tadashi-Kruanh Hội đồng quản trị Ngân hàng Hợp tác quốc tế Nhật Bản (JBIC). Thủ tướng uănh lah prêh nău ntop kơl bah JBIC tâm ntrôl ntuh kơl Nhật Bản an Việt Nam, lơn lah prăk manh rlău 800 rkeh đôlarr a nău nchrăp ƀư hun hao khí Lô B (du ntu khí geh ơm têh ta Việt Nam, ta nkual mpeh Tây Nam).

Thủ tướng đă JBIC ntop kơl tay prăk manh an doanh nghiệp Nhật mbơh ƀư 15 nău nchrăp ƀư rgâl uĕh nđĭr ta Việt Nam, têh rlău 20 rmen đôlar tĭng tâm trôm AZEC. Kruanh JBIC mĭn lah nchrăp ntop kơl prăk kaih, hăn ndrel đah Việt nam tâm hun hao ntung trong, nkual têh hăn ndrel đah ntung trong nsum mpôl n’hanh rgâl uĕh nđĭr. Đah nău tâm boh uĕh đah 2 dak n’hanh ton têh dăng bah kruanh gưl prêh, JBIC mpŏng kan ndrel jŏ jong, săk rnglăy đah Việt Nam ta âk ntil nău.