Nar aơ, ăp n’gor tâm lam dak du rơh ƀư lễ mbơh, ndơ nău n’glêh an mpeh leo ƀư n’gâng kan 2 gưl lôch n’glăp nsum. Ăp kruanh rđău kan Đảng, Ngih dak hŏ tât râng lễ mbơh ta ăp n’gor.

Tâm măng nar khlay lịch sử dơi uănh lah rơh rgâl tâm dăp rgum, glêh tam lam trong kan chính trị bah Việt Nam, Tổng Bí thư Tô Lâm râng mbơh ăp nău n’glêh an ta nkual ƀon têh Hồ Chí Minh. Kruanh dak Lương Cường râng Lễ mbơh ta Thủ đô Hà Nội. Kruanh Quốc hội Trần Thanh Mẫn râng lễ mbơh ta nkual ƀon têh Cần Thơ. Thủ tướng Chính phủ Phạm Minh Chính râng Lễ mbơh ta nkual ƀon têh Hải Phòng. Rnâng kan Ban Bí thư Trần Cẩm Tú râng lễ mbơh ta nkual ƀon têh Đà Nẵng.

Ta rơh lễ, ăp n’gor hŏ khuh n’gôr mbơh ăp nău n’glêh an mpeh leo ƀư n’gâng kan 2 gưl, n’hanh ntoh măt Đảng bộ, n’gâng kan mhe njêng.

Ăp siƀŭt dơi mbơh lah: Nghị quyết bah Quốc hội mpeh nău njêng n’gor, nkual ƀon têh; Nghị quyết bah  Ủy ban thường vụ Quốc hội mpeh nău njêng ăp xã, phường, đặc khu mpeh n’gor, nkual ƀon têh.

Ăp nău n’glêh an bah Bộ Chính trị mpeh nău njêng Đảng bộ n’gor, nkual ƀon têh; nchŏng đă Ban chấp hành, Ban thường vụ, Bí thư, Groi Bí thư, ủy ban kiểm tra ăp tỉnh ủy, thành ủy.

Nghị quyết bah Ủy ban thường vụ Quốc hội mpeh nău nchŏng đă bah Kruanh, Groi kruanh Hội đồng nhân dân; Kruanh ăp ban bah Hội đồng nhân dân n’gor, nkual ƀon têh; Kruanh Mpôl, Groi Kruanh mpôl đại biểu Quốc hội n’gor, nkual ƀon têh.

Nău n’glêh an bah Thủ tướng Chính phủ mpeh nău nchŏng đă ƀư Kruanh, groi kruanh UBND ăp n’gor, nkual ƀon têh. Nău n’glêh an bah Ủy ban Trung ương MTTQ Việt Nam njêng Ủy ban Mặt trận Tổ quốc ăp n’gor, nkual ƀon têh.

Nău n’glêh an dŭt bah nău kan ăp đảng bộ gưl nkuâl, gưl xã (ơm).

Nghị quyết bah Ủy ban thường vụ Quốc hội mpeh nău njêng ăp xã, phường, đặc khu mpeh n’gor, nkual ƀon têh.

Nău n’glêh an bah Ban Chấp hành Đảng bộ n’gor, nkual ƀon têh mpeh nău njêng Đảng bộ ăp xã, phường, đặc khu; Ăp Nău n’glêh an mpeh nău nchŏng đă nuĭh ƀư kruanh Đảng ủy, HĐND, UBND ăp xã, phường, đặc khu.