A roh hôp, mâu kăn teăng mâ tơkŭm mơnhên kheăn kơdeăn tơdroăng pơtâng tối gâk kring tơdroăng xiâm rak vế vâ mơnhông hiâm mơno tơmiât dêi Đảng; tơdroăng ki châ tơƀrê tung rĕng ‘nâi hbrâ, khŏm tiâ tối, mơdât, tơleăng mâu tơdroăng ki ôh tá lĕm tro, ki má lối cho tơtrâ ƀă mâu khu tê mơdró kong têa ê pơklât thế tah lôi mâu tơdroăng xiâm ki xôi; pơkâ mâu troăng tah lôi pá puât, khŏm mơ-eăm tung châ hlo séa ngăn, mơnhên mơngế, mâu tơdroăng pro xôi ƀă tơdroăng tơplâ tơleăng; Pơkâ pêi dêi Khu hnê mơhno 35 khu xiâm tơnêi têa tung pơla tơdroăng rêh ối nếo.

Mơgêi roh hôp, pôa Trần Cẩm Tú, Kăn pơkuâ Khu hnê mơhno má môi Khu pơkuâ tơdroăng cheăng Đảng, Kăn pơkuâ Khu hnê mơhno 35 Khu xiâm tơnêi têa tối rơdêi sap ing kố troh mơ’nui hơnăm cho tâi tâng Đảng, tâi tâng khu lêng, tâi tâng kuăn pơlê dế mơ’no ivá tơ’noăng pêi pro ƀlêi trâng Tơdroăng pơkâ Hneăng hôp 13 dêi Đảng ƀă mâu troăng hơlâ ki kal dêi Tơnêi têa, tơkŭm po Hneăng hôp Đảng ƀô̆ mâu râ hâk vâ chê troh Hneăng hôp kăn teăng mâ lâp tơnêi têa roh má 14 dêi Đảng.