Kăn xiâm pơkuâ hnê ngăn cheăng Đảng mơnhên tối khât hiâm mơno pêi cheăng kơtăng, tâi ivá dêi mâu kăn ƀă khĕn kơdeăn mâu tơdroăng pêi pro tơƀrê apoăng cho tơdroăng ki ro tung pêi pro pơhlêh kơxô̆ tung pơla hdrối nah; tối nhên kố cho tơdroăng ki tơƀrê sap ing rơhêng vâ pleăng dêi tâi tâng khu pơkuâ tơdroăng kal kí, kuăn pơlê ƀă khu mơdró kâ.

Tung la ngiâ ah, Pôa Tô Lâm, Kăn xiâm pơkuâ hnê ngăn cheăng Đảng pơkâ thế kal tơkŭm pêi 8 tơdroăng cheăng ki kal, mơdêk hnoăng cheăng dêi ngế ki ối a ko, thăm mơnhông pôu râng, khŏm mơ-eăm tơdroăng kal kí ƀă ứng dụng kong ngê̆, tíu ‘măn rak tơmeăm ki kal vâ pơkuâ ngăn tơƀrê, malối cho tung pơla kăn pơkuâ péa râ.

Tơdrêng amê Kăn xiâm pơkuâ hnê ngăn cheăng Đảng pơkâ thế Khu pơtâng tối tơdroăng kal, Khu hnê mơhnhôk Tơnêi têa mơdêk rơdêi tơbleăng ‘na pơhlêh nếo tơmiât pêi rơkê, malối cho troăng hơlâ tối tơdroăng ki ôh tá mơhúa vâ ‘mâi mơnhông tơdroăng loi tung pơlê pơla ƀă khu mơdró kâ tung kơvâ khoa hok kong ngê̆.