Dak Lak tơbleăng pêi tơdroăng pơlê pơla veăng gum vâ mơnhên ngăn NIPT ăm vâi kơdrâi dế pôu hngăm
Thứ tư, 05:00, 04/06/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Hâi lơ 3/6, Hngêi pơkeăng kân Kơpong Tây Nguyên ƀă Kŏng ti pêi cheăng tiô rơnó Gene Solutions Lab kĭ tơkêa mơ-éa chôu vế tơbleăng tơdroăng “Pơlê pơla pơhlêh pâk ngăn NIPT ăm ngế ki mơ-êa, mơdêk ki lĕm tro pơ’leăng mâ Việt”.
Tơdroăng tŏng gum ăm ngế ki mơ-êa, malối cho ngế ki ai tơdroăng rêh ối xơpá, châ pâk ngăn tâi tâng hdrối vâ rơnêh kuăn ôh tá hdi troh (NIPT). Gene Solutions diâp 30 tơdroăng pâk ngăn triSure NIPT tê kơtê ăm ngế ki mơ-êa dế khăm a hngêi pơkeăng.
Xup ngăn kố xúa kong ngê̆ tơpui tối leăng gen ki rơkê plĕng nôkố, vâ rĕng hlo tơdroăng ki rơ-iêo mâu hô̆i chứng Down, Edwards, Patau... ƀă ki tro lối 99%. Mâu ngế “mơni ki tro hên” kô châ tiâ mơnhên ƀă gum liăn khăm ngăn nhên tâ. Tơdroăng kố tơkŭm po troh tâi hâi lơ 31/6/2025.
Viết bình luận