Kố cho hơnăm má pái pơtối Ngế pro xiâm hnê ngăn Chin phuh Việt Nam veăng ƀă xông tơpui a Hôp tơno Cheăng kâ lâp plâi tơnêi, tơdroăng ki kal kố mơhno tơdroăng ki nhuô̆m ƀă kheăn kơdeăn dêi Hôp tơno cheăng kâ lâp plâi tơnêi, xuân môi tiah pơlê pơla khu tê mơdró lâp plâi tơnêi ƀă tíu cheăng, ai hnoăng ƀă mâu tơdroăng veăng gum dêi Việt Nam tung tơtêk cheăng kâ lâp plâi tơnêi ƀă kơpong.

Tiô tối hdrối tung mâu hâi a Sinuâ, pôa Phạm Minh Chính, Ngế pro xiâm hnê ngăn tơnêi têa kô ai mâu roh hôp tơpui tơno, trâm mâ ƀă khu râ kăn pơkuâ xiâm dêi Sinuâ ƀă mâu kong têa, veăng Hôp tơno khu tê mơdró Việt Nam – Sinuâ, tơdah kăn pơkuâ mâu grup pơkuâ Sinuâ, trâm mâ pơlê pơla ƀă mơngế hriâm Việt Nam a Sinuâ.