Tâm trong nchrăp bah Công an n’gor Dak Lak mpeh ndâk ƀư 4,285 mlâm jay an rnăk ach o, rnăk jêr jŏt, tĭng Bôk nău kan jut ngih rong mpông sat, tât aƀaơ, Công an n’gor Dak Lak lĕ ntơm ƀư geh 3,014 mlâm jay, geh nklăp 71% rnoh ndơ pah kan. Tâm rnoh rlău 300 mlâm lĕ ƀư, ăp ntŭk kan công an lĕ jao an 1.517 mlâm gay ăp rnăk ndơ̆ an dŏng, nkre dôl jêh 676 mlâm gay jao an tay tâm pơh aơ dâl.

Bôl dăch aơ nău khar mpêt lŭ choih ndâk ƀư, yơn lah, đah nău lăp dŭt n’hâm n’hanh rĭng tâm ban, nău jut ngih truh sat tĭng ntĭm rđău bah N’gâng kan Công an ta Dak Lak hôm e đăp mpăn ngăch n’gluh, nchrăp jêh lĕ rngôch bôk nău kan tâm lơ 31/10/2025. Kơp tât lơ 18/6, lĕ ntơm ndâk ƀư nklăp 5.150 mlâm jay tĭng Bôk nău kan jut ngih truh sat bah Chính phủ. Tâm nĕ, geh 4.174 mlâm ƀư mhe n’hanh 970 mlâm nkra; lĕ jêh 3.025 mlâm (geh 2.182 mlâm ƀư mhe n’hanh 843 mlâm nkra). Gay jêh nău rƀŏng jêh ngih rông mpông sat ta n’gor, Dak Lak nchrăp mbra ƀư mhe n’hanh nkra tay 2.159 mlâm jay bah aƀaơ tât khay 10/2025.