Nar nđaơ (22/6), ta Ngih Chính phủ, Thủ tướng Chính phủ Phạm Minh Chính ƀư tơm rơh rƀŭn tal 5 Ban Ntĭm rđău Trung ương mbơh ƀư jut ngih rông mpông sat ta lam dak; Rơh rƀŭn tal 18 Ban ntĭm rđău ngih dak ăp ndơ ƀư, nău nchrăp ƀư khlay ta lam dak, tơm khlay nău kan ntung trong n’hanh Rƀŭn nchră rơh tal 2 ntrôl pă tơm prăk ntuh kơl nsum năm 2025. Geh tât mbơh ƀư “jut ngih rông mpông sat” ta lam dak:

Thủ tướng an gĭt, trong nchrăp bôk năp nchrăp jêh tât năm 2030, yơn lah, na nê̆ mbơh ƀư, ăp n’gâng kan, nău kan, ƀon lan wât prêh, ƀư tĭng uĕh, ngăn lah tâm rnôk rƀŏng tât nkah gĭt 80 năm ndâk njêng dak Cộng hòa xã hội Chủ nghĩa Việt Nam, yor nê an mkra đêt nar jêh bôk nău kan. Uănh lah prêh ăp n’gâng kan, nău kan, ƀon lan, ăp doanh nghiệp mbơh ƀư dŭt n’hâm ntrong leo “Jut ngih rông mpông sat” ta lam dak, Thủ tướng đă tâm ban ŭch rhoăt đêt nar jêh nău kan “Jut ngih rông mpông sat” ta lam dak tâm nar 31/10/2025. Êng đah “Jut ngih rông mpông sat” an nuĭh ƀon lan geh soan đah cách mạng, nsrôih tât nar 27/7 năm aơ mbra jut ngih rông mông sat đah nuĭh geh soan đah cách mạng, rnăk wâl tahen sôt rmanh, tahen lĕ roh.