Rnoh ntop kơl 25 rkeh prăk đah ăp cán bộ tât pah kan ta Ntŭk rgum kan chính trị- hành chính ta n’gor Quảng Ngãi n’hanh tơm prăk ntop kơl, nău dơi dŏng hŏ dơi HĐND n’gor Kon Tum khoá XII- Rơh hop way nkô̆ uănh an.

Na nê̆, ta Nghị quyết mbrô 23 bah HĐND n’gor Kon Tum, rnoh ntop kơl đah cán bộ, công chức, viên chức n’hanh nuĭh kan sa prăk khay bah ngân sách Ngih dak dơi ntop kơl du tơ̆ đah rnoh ntop kơl 25 rkeh prăk/nuĭh. Prăk kơl sŏk bah tơm prăk ngân sách n’gor. Mpeh nău dơi ntop kơl du tơ̆ an cán bộ, công chức, viên chức n’hanh nuĭh kan geh nar pah kan ta Ntŭk rgum kan chính trị- hành chính ta n’gor Quảng Ngãi tât lĕ nar 30/6/2026. Đah nuĭh rlu  pah kan bah năp nar 30/6/2026 ri ân mplơ̆ trok tay prăk ngân sách Ngih dak rnoh prăk hŏ dơi ntop kơl (mô kơp ăp nuĭh tă bah nkô̆ mô ndra ma lơh).