Ban thường vụ Tỉnh ủy ăp n’gor Lâm Đồng, Bình Thuận n’hanh Dak Nông mhe hop n’hanh tâm ban ŭch trong leo ƀư lăp dŏng lor 6 xã, phường ta ăp ntŭk dơi n’glăp nsum ntơm bah nar 23/6 tât.

Tĭng trong nchrăp, ta n’gor Dak Nông mbra rlong n’glăp dŏng phường Nam Gia Nghĩa (nkual ƀon têh Gia Nghĩa) n’hanh xã Kiến Đức (nkuâl Dak R’Lấp); hôm ta n’gor Lâm Đồng lah phường Xuân Hương – Đà Lạt (nkual ƀon têh Đà Lạt) n’hanh xã Đức Trọng (nkuâl Đức Trọng); đah n’gor Bình Thuận lah phường Phú Thuỷ (nkual ƀon têh Phan Thiết) n’hanh xã Hàm Thuận (nkuâl Hàm Thuận Bắc). Nău rlong n’glăp dŏng gay uănh năl ngăn ngăn trong leo ƀư dăp rgum nhih pah kan mhe. Bah nê, ăp ntŭk mbra ngăch rgâl ăp nău khoah, ntŭk kô̆ yơn kol khan rnôk lăp dŏng kan ngăn ntơm bah nar 01/7/2025.