Đah nkô̆ “Rnăk vâl ueh lăng-neh dak nâp nâl”, nar rgum rnăk vâl Việt Nam năm aơ geh tâm ntŭk kan văn hoá-pâl n’aih n’gor Dak Lak ntơm lơ 25/6 tât lôch 29/6, đah nau râng bah 7 n’gor, nkuăl ƀon têh geh: Sơn La, Tuyên Quang, Lạng Sơn, Ninh Bình, Thanh Hoá, Huế ndrel Dak Lak. Tâm nar rgum geh âk nau kan ƀư kơt lah: Nkoch mbơh nau mhe, ƀư nau njroh mpơ, tâm n’ur ndrel tâm mâp ma ăp rnăk vâl ntoh lư tâm nau kan “mât nau hâr tâm nau ueh lăng rnăk vâl”.

Mpla n’hơ mbơh ăp nau ueh tâm rnăk vâl, nau kan njrăng rdâng tâm lơh tâm rnăk vâl ndrel tăch ndơ OCOP, ndơ dŏng, ndơ kah ueh bah nkuăl neh bah ăp n’gor. Aơ lah nau kan văn hoá di rhơn nar Rnăk vâl Việt nam 2/6. Bah nê gay n’hao nau ndơn gĭt bah ăp ntŭk kan, ăp gưl ndrel lam nau rêh mpeh nau dơi, nau ueh bah rnăk vâl Việt Nam tâm răch năm n’hao săk bah rnoi mpôl./.