Nthoi tay rơh hop tâl 9, Quốc hội khóa 15, nar aơ (19/6), Quốc hội ntơm ƀư rơh ôp rkhêl n’hanh ơh nău ôp rkhêl jŏ tâm 1 nar n’gul mpeh 2 rmôt nkô̆ nău. Rmôt nkô̆ nău bôk năp mpeh trong kan ntĭm nti đah ăp nkô̆ rgum tâm nău ngăn geh n’hanh trong nkra ƀư hun hao, n’hao săk blău ntĭm nti đại học nkre đah nău ŭch geh ntĭm nti tơm nuĭh kan săk blău, tŏng di đah nău ŭch geh hun hao wăng sa- rêh jêng kon nuĭh; Nău tĭng ƀư quy định bah pháp luật mpeh kơi ntĭm tay, nti tay.

Ndrel đah nê lah  pah kan đăp mpăn ntŭk ntĭm nti dêh bên, kloh rvah; njrăng, n’gang tâm lơh rnôk hăn nti; đăp mpăn kah uĕh ndơ sa tâm nhih nti. Rmôt nkô̆ nău tâl bar mpeh trong kan prăk kaih, lĕ mpeh trong nkra pah  kan prăk kaih an hun hao wăng sa- rêh jêng kon nuĭh, đăp mpăn rnoh tât hun hao. Bah meng nê lah trong nkra n’hao nău dơi tam kan bah doanh nghiệp ngih dak; trong nkra ntop kơl, ntrŭt ntrôl hun hao wăng sa êng bah dih ngih dak; trong nkra ntrŭt ntrôl wăch rgum tơm prăk dak bah dih (FDI); Trong tĭng, trong kơl ntrŭt ntrôl, wăch rgum ntuh kơl, hun hao ăp nkual công nghiệp, nkual wăng sa.