Di nkah gĭt 100 năm Nar Báo chí Cách mạng Việt Nam (21/6), Đảng ủy, Bộ Tư lệnh Quân khu 7 ƀư mâp măt ban tuyên giáo n’hanh dân vận, n’gâng kan văn hóa n’hanh thể thao ăp n’gor, nkual ƀon têh, ăp ngih thông tấn, báo chí n’hanh an bằng khen an ăp rmôt, êng nuĭh. Ta nar ƀư, Bộ Tư lệnh Quân khu 7 lĕ an Bằng khe an 23 rmôt n’hanh 52 êng du hê geh nău uĕh blău ngăn tâm trong kan tâm rgop nkoch trêng mpeh nău kan bah rmôt tahen Quân khu năm 2024 n’hanh 6 khay bôk năm 2025.

Tâm nĕ, Ngih oah kan Đài nău ngơi Việt Nam gŭ ta nkual ƀon têh Hồ Chí Minh lap dơi rnê nkhôm an rmôt n’hanh êng du hê. Ntoh ngơi ta nar mâp măt, Thướng tướng Trần Vinh Ngọc, Chính ủy Quân khu 7 đă tâm năm tât, ăp ngih pah kan nkoch trêng ntrôl dăng tâm rgop, rgum mbơh nău mhe mpeh ăp trong kan mât njrăng bri dak-rnă njrăng; ăp nău ƀư tiăr nti, nchrăp tâm lơh; njrăng n’gang trôk nar, nuh srê, kơl rmoh rmanh. Ndrel đah nĕ nkoch trêng mpeh ndâk njêng n’gâng mât njrăng bri dak lam ƀon lan, tâm rgop đah rnă njrăng ƀon lan n’hanh ndâk njêng nkual njrăng rdâng nâp ta nkual Quân khu.