Mbah rhơn nău dơi bah Rơh hop tâl 9, Quốc hội khóa XV, kêng măng 26/6, Ủy ban Thường vụ Quốc hội hŏ ƀư n’glôch jêh n’hanh Nkhôm rnê rơh rgŏ jă nchih rklă nău mprơ mpeh Quốc hội n’hanh Hội đồng nhân dân. Kruanh Quốc hội Trần Thanh Mẫn râng nar ƀư nkhôm rnê. Lôch 10 khay rgŏ jă (ntơm bah nar 27/2/2024 tât nar 10/12/2024), Ban Tổ chức hŏ dơn 672 nău nchih bah 400 nhạc sĩ tât bah ăp ntŭk lam dak.

Ăp nău nchih grêt dăch tĭng nkô̆ ma hôm âk ntil mpeh trong leo ƀư âm nhạc đah nău mprơ geh âk rup gui, mpơl nău khlay kan bah Quốc hội n’hanh Hội đồng nhân dân tâm n’gâng kan rdâk njêng Ngih dak pháp quyền xã hội chủ nghĩa bah ƀon lan, tă bah ƀon lan, yor an ƀon lan. Ăp nău mprơ han dăng, âk nău nđơr hŏ nkoch luh nău n’hao êng săk n’hanh nău nsing nơm bah ƀon lan mpeh Quốc hội Việt Nam n’hanh ăp nuĭh ntơh măt an ƀon lan. Hội đồng Thẩm định hŏ nkhôm rnê 5 giải B, 9 giải C, 19 giải khuyến khích an ăp nuĭh tơm nchih.