Ta rơh rƀŭn nchră, ăp đại biểu rgum tâm nchră, tâm rgop nău tâm nău ngăn gay ma hun hao pâl nđaih ta âk ntŭk n’hanh nău nkoch mpeh n’hao nău dơi ta ăp nkual ăp mper gay ma njêng ntil ndơ pâl nđaih ntoh lư, âk nău ueh. Tâm nĕ, Phú Yên geh kơh dak lêng jong 189km, âk ntŭk ŭm, rđŭng, njônh dak lêng, geh Di tích ngih dak dŭt khlăy gành Đá Đĩa n’hanh âk di tích văn hóa bâh jŏ kăl e. Đăk Lăk geh nău ueh êng đah pâl nđaih sinh thái, văn hóa, ăp mir tơm cà phê lâng hvi, âk leng dak têh dăng n’hanh nău ueh chĭng gong Tây Nguyên. Rnôk rnglăp nsum Phú Yên n’hanh Dăk Lăk jêng ngoăy, geh du nău tâm rgop dăng “dak lêng- bri” ăp nar lơ ma jêng  khlăy. Wa Hồ Văn Tiến, kruanh Hiệp hội pâl nđaih Phú Yên an gĭt, tâm rnôk Phú Yên n’hanh Đắk Lắk nchrăp nglăp nsum, n’gâng kan pâl nđaih 2 n’gor lơ ma an geh nsrôih  âk lơn gay ma geh ndŏ nău pâl nđaih jêng n’gâng kan wăng sa tơm.