Bâh khay 6 năm 2023, n’gâng kan mât tơm tăm, n’gâng kan tuch tăm mât rong-hun hao ƀon lan, aƀaơ lah n’gâng kan tuch tăm n’hanh mât ntŭk gŭ rêh tâm rgop ndrel đah rơh tâm mâp cà phê lam ntur neh ƀư tĭng uănh năl nău tât bâh nău  tăm tâm breh  tâm mir cà phê tât ndơ ƀư mô ueh tơm n’hanh ntrôl an dŏng dak si mât tơm tăm geh nău dơn kan gay ma hun hao ƀư cà phê nâp nâl ta ăp n’gor Tây Nguyên. Tâm nĕ, uănh nđôi, uănh năl mât uănh ndơ ƀư mô ueh n’hanh dŏng dak si mât tơm tăm đah mir tơm cà phê tăm tâm brah, n’hao nău dơi mât uănh n’hanh njrăng ăp ndơ mô ueh an tơm tăm bâh cán bộ kĩ thuật n’hanh ƀon lan tăm cà phê, n’hao nău dơi kan n’hanh nău dơn kan mât ntŭk gŭ rêh an ăp ntŭk nkra ƀư n’hanh tăch rgâl dak si mât tơm tăm ta Tây Nguyên.

Tĭng nău mbơh bâh ntŭk kan tuch tăm n’hanh mât tơm tăm, nău kan tăm tâm breh cà phê đah tiu, sầu riêng aƀaơ dôl geh ƀon lan kan lŏ mir ta Tây Nguyên geh dŏng gay ma dŏng lĕ neh ntu n’hanh n’hao  nău geh. Nău kan aơ an saơ geh săk rnglăy nsit tay na nê̆, bah ir geh nău rvê mpeh bu tuh n'hanh n'hao geh âk dŏng ndơ sinh học. Yơn lah, ta âk ntŭk, nuĭh ƀon lan hôm nha geh tăm êng du ntil tơm cà phê ƀư tơm dơh geh nău tât ta năp nău ăp ntil bu tuh . Hôm đah nă u kan tăm tâm breh, mô đê̆ ƀon lan mât tăm ê hŏ geh gĭt dŏng dak si mât tơm tăm an tâm di. Wa Nguyễn Quý Dương, Groi kruanh ntŭk kan tuch tăm n'hanh mât tơm tăm an lah, nău aơ an geh ơm ndâk nkra gay ma n'hao nău ueh ntil ndơ geh tăm.

“Hôm nha geh âk ƀon lan kan lŏ mir ê hŏ gĭt vât na nê̆ nău  dŏng dak si, ngăn lah tâm rnôk tăm tâm breh kơt nĕ rĭ mhâm an geh dŏng dak si gay ma geh săk rnglăy njrăng đah bu tuh yơn an geh mât đăp mpăn ueh ndơ tăm tơm tâm ban kơt tơm tăm ndrel. Aơ lah du nău ntul rlong têh tâm ntrong kan tât tay doh rklaih n'gâng kan gay ma mât đăp mpăn cà phê an geh hun hao ueh nâp nâl"”.

Uănh năl bâh n’gâng kan mât tơm tăm ta 3 n’gor Kon Tum, Đắk  Lăk n’hanh Lâm Đồng an saơ, dak si hóa học hôm nha geh rnoh âk tâm nău njrăng săm bu tuh, tâm rnôk, ăp trong kan dŏng ma sinh học n’hanh kĩ thuật mât tăm rgum nsum mhe kanŭng geh njoat hăn bôk năp geh dŏng dơm. Nău mbra geh âk ir dak si mât tơm tăm ta tơm cà phê, tiu, sầu riêng hôm nha lah nău mĭn rvê an geh mât njrăng uănh năl na nê̆ lơn.

 “Gay ma ntĭm nti n’hanh n'hao nău gĭt vât mpeh nău mĭn an ƀon lan rĭ he an geh ndơ̆ mbơh ăp trong kan ndơn an tâm di đah nău uănh năl na nê̆, geh nău mĭn uănh gay ma ndơ̆ mbơh ăp trong kan ndơn an tâm di đah nău rêh aƀaơ. Uănh nđôi, kơp dơn n'hanh rgâl mhe tay ăp săm ƀŭt ntĭm nti tâm di đah nau mhe. Bâh nau nĕ, leo ƀư tay ăp jrô nti pơk hvi tay an ƀon lan kan lŏ mir gay ma gĭt dơn ăp nău mhe, nău kan mhe bâh lam ntur neh.