Aơ lah nău tâm rgop geh ăp đại biểu ndŏ mbơh ta rơh tâm nchră trực tuyến  ƀư ta lơ 10/6 ta Hà Nội, đah nău tât râng bâh ndơn kan ăp n’gâng kan, Ntŭk kan biăp play Việt Nam, ăp nuĭh way kan tuch tăm, doanh nghiệp tăch ndơ an dak bah dih n’hanh ăp ntŭk tăm mir sầu riêng ta ăp ntŭk tăch ta Cần Thơ, Đăk Lăk n’hanh Tiền Giang. Ăp đại biểu lah na nê̆ sầu riêng ta ăp ntŭk lĕ jêng ngoăy tâm âk ntil ndơ tơm khlăy, tâm rgop têh ta rnoh prăk geh tăch ngluh ndơ đah dak bah dih biăp play bâh Việt Nam. Yơn lah, ta meng rơh nkhêp têh hôm nha geh mô đê̆ nău ntul rlong. Nău ŭch geh jêr lơn bâh ntŭk tăch rgâl mpeh nău ueh ndơ, gĭt na nê̆ tu tơm, rnoh mbrô nkual tăm, nău mô tâm rgop tâm rnoh khlăy kan, nău hun hao duh ndal mô dơi njrăng, nău mbra geh bu tuh, rgâl trôk nar mih sial, n’hanh nău knơm ta du đê̆ ntŭk tăch rgâl lah nău ma an geh dơi doh rklaih ngăch lơn. Tĭng ăp nuĭh way kan, an geh mbơh tơih dâl ăp trong kan ngăch ndal, tâm nĕ ngăn ngên lah na nê̆ tât nău rgâl nău mĭn mât leo kan. Nău rdâk njêng ndơ kan mât njrăng na nê̆ bâh ntŭk rvăt nglăp tât nău tăch tơr mbra lah nău tơm khlăy gay ma sŏk tay nău knơm bâh nuĭh dŏng ndơ n’hanh nta nău dơh nơih bôk năp an hun hao nâp nâl bâh n’gâng kan.