Nuĭh kan lŏ mir n’gor Gia Lai dôl ntơm lăp yan peh sầu riêng 2025. Bôl geh âk nău mbơh mpeh jêr jŏt tâm tăch n’gluh, yơn knơm đăp mpăn geh uĕh kah, ăp nuĭh mir ta n’gor Gia Lai hôm e tăch geh rnoh khlay uĕh bah 55 rbăn tât 70 rbăn prăk/kg tĭng ntil, lah nău mbơh uĕh an du yan sầu riêng geh âk. Aƀaơ hin, lam n’gor Gia Lai geh nklăp 8.200ha sầu riêng, rgum ta ăp nkuăl kơt Ia Grai, Chư Sê, Chư Pưh, Đak Đoa, Mang Yang, Chư Prông, Đức Cơ...

Săk geh rĭng geh 14,8 tấn/ha. Tâm rnoh nĕ, nklăp 5.000ha dôl tâm lvang play, nchrăp rnoh geh lam n’gor geh 75.000 tấn. Lơn lah, Gia Lai lĕ dơi an 54 mã mrô nkual tăm đah dĭng lĕ rnoh neh 1.281 ha, kơl sầu riêng ta ntŭk tăch n’gluh an âk ntŭk tăch têh kơt Trung Quốc, Hoa Kỳ, New Zealand, n’hanh Úc. Tât năm 2030, n’gor nchrŏng trong pơk hvi rnoh neh sầu riêng hao 10.000 ha, đah nău rƀŏng ndâk njêng mã mrô nkual tăm an 10ha n’hanh kơt dŏng tâm di GlobalGAP gay tŏng nău ŭch tăch n’gluh.