‘Nâu jĭ 1 hơyak hơmet tôch gĭt kăl vă pơm ‘lơ̆ng ăn dôm xăh ‘nao gơ̆h bơ̆jang tơpă đơ̆ng ‘năr 1/7/2025. Kiơ̆ trong vă jang, tơdrong jang pơlong năng gô đei pơgơ̆r hrơ̆ch tơ̆ dôm xăh, phường đơ̆ng rŏng kơ tơmât hơdai. Mĭnh xăh gô pơgơ̆r lơ jơ bơ̆ jang kiơ̆ trong đei tơlĕch ăn khul kơdră pơgơ̆r tơring ‘nao.

Tơdrong tơm ‘nŏh vă hơlen năng rim tơdrong pơgơ̆r, bơ̆jang, sek tơlang dôm tơdrong đei tơ̆ yăn âu đơ̆ng khul kăn ƀô̆ lơ̆m khul kơdră pơgơ̆r ‘nao. Kiơ̆ đơ̆ng noh tơtom chă ƀôh dôm tơdrong pơmat tat, tơhlăk tăk vă đei trong hơmet ming adrol kơ trong jang âu đei tơmât yoa tơpă. Dang ei dôm tơring hlôi hơmet tôm tơmam, anih jang, kơmăy kơmŏk, anih jang điên tư, phần mềm vei lăng păng trong sơng kon pơlei...