Pơma pơtơm hop akŏm, GS.TS Nguyễn Xuân Thắng – Kơdră Jơnŭm jang gah nơ̆r pơma xa Trung ương, Jơnŭm juăt chih dôm Hla bar pơkăp Hop akŏm mă 14 ră hơdah, Chih akŏm hla bar pơkăp Hop akŏm mă 14 kơ Đảng tơƀôh tơdrong iŏk yua păng hơtŏk đơ̆ng dôm tơdrong hop akŏm hơdrol ki, atŭm hăm noh tơroi gah tơdrong tơplih 'nao, hơbĕch hơbal lơ̆m đon tơchĕng păng pơm jang. Tơgop nơ̆r lơ̆m chih akŏm hla bar pơkăp jing trong hiôk vă rim sơnăm mơlôh tơgop kơ̆l 'ngok hơgei, dăp đon dăp bơnôh ăn tơdrong hơtŏk tơ-iung kơ teh đak. GS.TS Nguyễn Xuân Thắng pơtruh nơ̆r: Đei lơ tơdrong 'nao tơbang, noh athei vei sơđơ̆ng vă hơtŏk tơ-iung păng hơtŏk tơ-iung vei sơđơ̆ng kơjăp đunh đai.

Tơdrong tơm ou noh mŭk drăm tơpôl păng vei 'lơ̆ng cham char. Cham char noh tơdrong 'nao. Đang kơ noh kon bơngai gơh hơgei. Hơdrol ki bơ̆n hơnơ̆ng kơ tơrĕk truh trong pơm jang. Mă lei unh tơchĕng truh tơ̆ tơring; sơnong jang ưh đei hơtŏ, ưh đei ƀôh hơdah noh bơ̆n jang kiơ̆ trong yơ. Inh adoi hơpơi 'meh, bơ̆n athei kơchĕng truh tơdrong hơtŏk jang hơtŏk tơ-iung pha ƀiơ̆.