Lơ̆m jăl jang ou ki, dôm jăl jang păng Hơnih jang Hơlen dôm jăl hlôi tơchơ̆t kih luơ̆t hăm 35 hơnih jang đảng păng 1.746 đảng viên. Tơdrong chă sơng iŏk, sek tơlang hla bar pơtruh tơlêng tơhlou đei pơm jang tơnăp, tơgop vei sơđơ̆ng kiơ̆ tơchơ̆t tơlĕch lơ̆m Đảng. Mă lei, tơdrong jang hơlen oei đei minh ƀar tơdrong ưh kơ 'lơ̆ng nhen: tam mă tơtom ƀôh băt tơdrong pơm yoch; tơdrong pơm kiơ̆ pơkăp hơlen tơ̆ minh ƀar tơring tam mă kơjăp; Tơdrong jang chă hơlen rim 'măng đei tơdrong glăi tam mă hơbĕch.

Ƀok Nguyễn Đình Trung, Ƀĭ thư Tĭnh uy Đăk Lăk bơnê kơ tơdrong hơdrin đơ̆ng dôm jăl jang, Anih jang Hơlen dôm jăl lơ̆m jăl jang ou ki. Atŭm hăm noh tơbăt, jăl jang truh athei hơmet dôm tơdrong oei tơhlăk tăk, hơtŏk jang tơnăp tơdrong hơlen băt, mă kăl lơ̆m tơdrong pơgơ̆r jang hăm tơring teh tih să, lơ tơdrong hơmŏ đei tơdrong ưh kơ 'lơ̆ng truh.