Lâp tung kong pơlê ai 42 tíu tơ’noăng ƀă 718 veăng tơ’noăng. Vâ tơniăn hneăng tơ’noăng ƀă kơtăng, Khu xiâm ngăn hnê hriâm ƀă hnê mơjiâng tuăn ngôa rơkê Gia Lai hiăng mơhnhôk tăng 4.500 ngế kăn ƀô̆, mâu ngế pêi cheăng veăng a mâu khu tơrŭm cheăng. Tơdrêng ƀă tơdroăng hbrâ tơmeăm, mâu hngêi trung râ má pái phôh thong tung kong pơlê hiăng tơbleăng pơkâ hriâm, rơbot ƀai ton ing hdrối vâ kum hok tro rơbot chôu pâ tơdroăng hiăng hriâm, khên tơnôu oh tá xâu tơná tá chiâng bro ƀai drêng tơ’noăng.

Tơdroăng “veăng kum rơnó tơ’noăng’’ a mâu cheăm tơring tung kong pơlê xuân hiăng hbrâ rơnáu. 2.400 ngế hok tro ki xơpá a Gia Lai hiăng châ kơjo kum tâi tâng kơxô̆ liăn lối 940 rơpâu liăn. Krê to pơlê kong kơdrâm Pleiku hiăng mơjiâng troăng rơhlâ mơhno hlối kơjo kum ăm tíu kâ, tíu ối, tíu pơtê ƀă mâu hok tro ki oh tá plah tơ’noăng hơnăm hdrối ki lăm tơ’noăng hơnăm kố, Tơdroăng Hnê hriâm phôh thong hơnăm 2006.