A rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng pơkâ thế, Đảng ủy Măt trâ̆n Tơnêi têa Việt Nam, mâu đoàn theh Tơnêi têa, Khu kăn xiâm hnê ngăn Vi ƀan Măt trâ̆n Tơnêi têa Việt Nam rơtế ƀă mâu khu tơrŭm cheăng pơtối mơdêk hnoăng cheăng ki xiâm kal kí, thăm mơnhông hnoăng cheăng hnê tối, tơkŭm, mơhnhôk mâu kuăn pơlê tung tơnêi têa ƀă kuăn pơlê ki rêh ối a kong têa ê.

Mơhnhôk tơlo mâu kơxô̆ liăn, mơnhông rơdêi ivá tơmiât pêi rơkê dêi kuăn pơlê, môi hiâm mơno, tơdjuôm ivá pêi pro ƀlêi chiâng “4 Pơkâ kal xiâm” dêi Khu xiâm pơkuâ tơdroăng kal kí (Pơkâ 57, 59, 66, 68). Mơhnhôk kăn ƀô̆, kong chưk, viên chưk, ngế pêi cheăng ƀă mâu kuăn pơlê môi tuăn, gum ivá pêi pro ƀlêi chiâng rôh kăch măng klâ xoăng kơ koan cheăng sap ing Tơnêi têa troh kong pơlê cheăm iâ, tơkŭm, xêt tơƀrê, pơhlêh ing tơdroăng ki pơkuâ ngăn mâu tơdroăng tơmiât pêi rơkê mơnhông, gum khu mơdró kâ ƀă kuăn pơlê, xo mơdró kâ, kuăn pơlê cho ngế ki kal xiâm.